皇蘇頂得住馬體

皇蘇頂得住馬體

西甲三大惡霸之一嘅馬德里體育會，近期表現回落，近三場比賽只得一和兩負，原因相信與人腳變動有關。特別在中場線，令球隊攻守失衡，睇怕短時間內仍需要一段適應期。

明晨馬體會又要接受一場極大考驗，雖然對手係排第十六位嘅皇家蘇斯達，但人所共知，“皇蘇”一向都係一支相當難應付嘅球隊，本身人腳實力亦唔差。只係開季至今發揮未如理想，但如果踢出“真火”，根本未驚過馬體會。初盤馬德里體育會作客要讓半球，必捧主場聲勢浩大嘅皇家蘇斯達斬“馬”兼殺盤。

皇蘇陣中確有唔少具級數球員，卡路士韋拿、阿基列斯、簡拿利斯及拉文迪等都係踢得之人，只係狀態未足。球隊目前七戰只得六分，急需搶分升上較高位置。今戰火倂馬體會，勢必全力以赴。馬體會中場線確實影響球隊表現，杜蘭離隊、高基養傷，新加盟嘅托里斯又未融入球隊，中場控制及創造力明顯減弱，單靠“F托”與基斯文獨自搵食，恐怕火力不足，今仗作客皇蘇攞得一分已算有交代。

推介：皇家蘇斯達2:1