水晶宮食死“貓”

水晶宮食死“貓”

    周六英超又爆兩場，榜首一、二位嘅曼城與阿仙奴齊齊遭遇滑鐵盧，兩隊全失三分後，爆出隻“狐狸”李斯特城坐上“龍頭”位置，證明今季英超的確鬥得燦爛。

    不過，榜尾幾支球隊就踢極都毫無起色，包括排尾二的“黑貓”新特蘭，明晨將要作客中游分子水晶宮。以球隊由開季至今嘅狀態，呢隻“病貓”要攞一分都難。

    水晶宮上季聯賽排第十，今季依然保持水準，成為英超中堅分子。球隊近兩場表現相當出色，先和曼聯再殺利物浦。陣中嘅沙夏、麥亞杜亞、丹恩及甘寶等，在二、三線球會完全可發揮出水準，法國國腳卡比耶更無需多講，成為陣中主要核心。今場對住死氣沉沉嘅新特蘭，呢隻“病貓”食硬。

    新特蘭近四場輸三場，同上季一樣依然要為護級掙扎。球隊防守力相當脆弱，十二場聯賽失廿六球，平均每場失兩球以上；作客戰績更加慘不忍睹，六場作客一和五負，共失十八球，毫無數據值得支持。初盤水晶宮讓一球，受讓嘅新特蘭實在毫無能力掠“水”。

    推介：水晶宮二比〇