巴西要改善攻力

希望越大果然失望越大，巴西奥足在首战只能与南非打成平手，森巴足球唔通真係一蹶不振？全场廿一次攻门，七中目标，控球率又佔优，惜赢势唔赢波，最终被南非○比○闷和，令巴西球迷大失所望。

巴西踢得好唔好真係见仁见智，场波入球机会唔少，可惜把握力方面认真一般，实际上除尼马有两、三次真正威胁性射门外，其馀只係禁区以外“浪射”，至于近射一次就係门前两码空门射中柱，确係超难度动作。

当然，对手南非嘅表现又值得一讚，对住东道主绝不畏惧，顽强拼劲，以血肉长城抵抗“森巴兵团”狂攻，把守最后一关的门将乔迪更踢到“上晒身”，搞到“森巴兵”唯有望“门”兴叹。

一百个球迷当中，相信有九十八个认为巴西在分组赛出线毫无难度，咁又係，同组伊拉克对丹麦同样和气收场，巴西依然係出线首选，不过最紧要今早对伊拉克场波，能够有更佳发挥，埋门一脚可以得心应手攞足三分。

最后值得一提係葡萄牙奥运队，借助大国脚勇夺欧国盃气势，两球轻取阿根廷，希望葡兵攞埋奥足金牌，一于双喜临门。