巴塞半力玩“些”少

巴塞半力玩“些”少

    國際冠軍盃明晨繼續連場好戲，其中西甲王者巴塞羅那首度亮相，對陣蘇超老牌球會些路迪。雖有部分主力缺陣，巴塞依然高出對手半班，首場熱身賽勝利在望。

    些路迪一向都係蘇超霸主，王者之位誰可代替？只不過，講到歐洲聯賽級別，只屬二三線，與西甲球會相比，始終仍有一定差距，今場叫做越級挑戰歐洲超級勁旅之一嘅巴塞，即使有主場之利，些路迪亦難保不敗。

    雖然有尼馬、蘇亞雷斯、恩尼斯達、布斯基斯及馬斯卓蘭奴等主將缺陣，但失意美洲盃嘅美斯提早回歸巴塞，今戰更加領軍“狽飛”，率領迪尼、高美斯及D蘇亞雷斯等新援。單憑技術質素，及多名巴塞出品必屬佳品嘅年輕球員，已有足夠實力殺敗對手。唯一擔心係球隊開操後首場熱身賽，競技狀態可能稍為不足。

    些路迪今戰唔會同巴塞硬拼，事關幾日後有場歐冠盃外圍賽更為重要，首回合作客只能逼和哈薩克斯坦球隊艾斯坦拿，要繼續歐冠之旅，次回合非勝不可。國際冠軍盃屬友賽性質，些路迪肯定留力。初盤巴塞羅那讓球半，不妨玩“些”少，捧巴塞贏波贏盤。

    推介：巴塞羅那2:0