奧特足球會衝冠踢好波

挪超今晚上演多場賽事，當中排第12嘅波杜基林特會喺主場對「二哥」奧特足球會。波林基林特近期作客嘅表現仲好過主場，球隊已經連續7仗主場未贏過，而且今仗對手奧特足球會係佢哋嘅剋星，雙方近5次聯賽交手，波林基林特無論主場作客都輸波，今仗相信都係凶多吉少，阿King估計作客嘅奧特足球會可以輕鬆贏波，1.79倍客W值得支持。

（周一凌晨零時開賽）

波杜基林特主場7戰不勝
波杜基林特上周作客以4比1擊敗史達，球隊前線入球能力其實唔錯，但表現就非常飄忽，球隊開咧以來未曾試過連贏兩場，經過上周出色嘅表現後，佢哋今場可能又會交唔出好表現。而且波杜基林特喺主場嘅表現認真唔掂，最近7場賽事都未贏過。

雖然奧特足球會剛喺歐霸盃首回合作客輸波，但球隊部分主力成員冇上陣，相信係留力踢好聯賽。始終奧特足球會只係落後榜首嘅洛辛堡3分，仍有機會爭奪聯賽冠軍，加上佢哋近5次聯賽對波林基林特全勝之餘仲每場至少攻入兩球，今仗作客有望再下一城。

其餘賽事方面，排第7嘅莫迪自多名主力離隊後表現下滑，球隊近期入得又失得，今仗遇上近況同樣不濟而且後防穿窿嘅史達，相信入波唔會少，雖然入球大細中位數轉咗3.5球，都一樣照捧大盤。至於排第13嘅史達比克喺主場面對「四哥」白蘭恩，史達比克上周由西班牙教頭奧迪拿斯接手後，球員信心同合作明顯大有改善，但今仗對手白蘭恩實力甚強，阿King相信史達比克上半場會踢得較穩陣，一於捧半場和。