C朗撑起葡军

葡萄牙终于踢返场好波，在欧国盃四强大战中，两球淘汰威尔斯出局，昂然杀入决赛。

即使葡萄牙今场发挥并未达到最高水平，但总算踢出队形，且部署亦有一定心思。一招“以退为进”，上半场採取“守”字诀，引威尔斯压到上前，葡萄牙变为打反击一队。下半场终于见效，凭住C朗与兰尼头顶脚踢，赢出今届最精彩一仗。

C朗无疑係球队核心，更加係精神领袖，所以C朗在场上拼搏足以影响整队斗心。如果冇C朗，葡萄牙可能变成一支二、三线球队。另一要讚就係翻生嘅兰尼，亦係晋级功臣之一。由于C朗成为对手头号目标，兰尼就可以表现得淋漓尽致。

葡军虽然目前涌现多名新秀，包括辛捷士、马里奥、高美斯及古里路等“九○后”，个人质素与技术都有一定水平。不过睇过之前几场比赛，似乎与几位大哥级球星在配合方面仍有些少代沟，此乃导致葡萄牙头几场表现未尽人意的原因，係球队最大弱点。无论如何，葡萄牙惊涛骇浪杀到入决赛，相信已超出预期目标，能否登顶成为今届欧洲王者，就要睇终极一战。