乌圭誓上“委”

乌拉圭在美洲盃C组首战出师不利，以一比三败于墨西哥脚下，馀下两战认真要步步为营，否则要杀入八强冻过水。特别係明晨对委内瑞拉，对乌拉圭嚟讲属于一场生死战，和波都要睇人面色，此战非要上“委”不可。

委内瑞拉上仗险胜牙买加，攞到最基本的保险三分，今场和波都处于有利位置。但从上仗所见，整体战力只属一般，若非踢多一人都几难战胜牙买加，三分叫做执返嚟。今仗对住平均实力在自己之上嘅乌拉圭，委内瑞拉应该冇咁好彩。初盘乌拉圭让半球，捧硬争胜决心十足嘅乌拉圭必胜无疑。

乌拉圭输畀墨西哥有三大因素，首先四分钟就输一个“乌龙波”，令全队阵脚大乱；跟住半场又踢少一人，球队更处于下风；最惨係超级射手“牙擦苏”因伤缺阵，攻力确实大大削弱。但总括嚟讲，整体发挥依然具强队本色，祇要今场继续踢出风格，应可取得开门红。

委内瑞拉基本上由三名在欧洲搵食球员支撑球队，包括西布朗射手朗顿、在意甲效力嘅连干及马天尼斯，平均战力恐难抗衡乌拉圭。

推介：乌拉圭2:1