曼城求和唔让多

英超今晚同时上演十场煞科战，最受关注係曼市双雄边队最终能够杀入前四位置。曼城作客史云斯就成为焦点。

形势上，由于曼城得失球差都好过曼联多多声，即係话衹要今场和波，都可以踢下季欧冠，相信曼城今仗亦唔会急于求胜。

史云斯就冇乜所谓，但又係嗰句，今季最后一场主场点都会踢得好好睇睇，近两战又踢得相当精神，先后击败利物浦与韦斯咸两支具实力球队，并有七球进账，有冇“hea踢”大家自己谂。如果史云斯真正作战到底，曼城更未必可以赢波。初盘曼城让一球／球半，捧硬史云斯至少可执半个盘。

史云斯呢两场的确发挥出色，其中攻击手阿休个人独取三球，呢位加纳国脚季尾大发神威，似乎博大球会睇中。除阿休外，“天鹅”阵中还有唔少好波之人，寄诚庸、施古臣、费兰迪斯及蒙迪路等，今仗执齐人脚与曼城一拼，根本输唔晒。

据报道，曼城若未能进入下季欧冠的话，球会将会损失达到一亿英镑，确实损失惨重。所以今场波赢多赢少，甚至和波都不成问题，最紧要稳稳阵阵，攞到踢欧冠资格。

推介：和波1:1