汉堡护级踩“云”

德甲只剩四轮赛事，榜尾嘅护级球队依然乱过乱世佳人，由十一位开始打后嘅球队，仍然有降班危机，可能要踢到最后一轮才知道边两队要直接降班、边队要踢附加赛。

明晨有场抢分大战，由汉堡对云达不莱梅。排十二位嘅汉堡如果今场能够全取三分，基本可以上岸，必定全力出击。至于少三分排尾三嘅云达不莱梅更加要搏命。不过，啱啱踢完场德国盃与拜仁激战，今仗又要踢作客，体力受到一定影响，对住以逸待劳嘅汉堡，要攞一分亦非容易。初盘汉堡小让平手／半球，话晒都係一战定江山，但求自保，汉堡必须“达”成目标。

连续两场输波，搞到汉堡又再“手紧”。事实上，汉堡整季表现相当反覆，状态时好时坏。不过危机现已杀到埋身，球队非要认真作战不可，自己地头出击，只要交足水准，赢波冇问题。

唔睇好不莱梅原因好简单，就係防守能力差到冇朋友，联赛平均每场失两球，係德甲中最差一队。首循环主场曾一比三不敌汉堡，今战仲要踢作客，输少当赢。

推介：汉堡二比〇