睇完两晚精彩嘅欧冠盃,明晨欧霸盃继续有好波睇,八强次回合轮到利物浦主场激战多蒙特。首回合双方打成一比一平手,红军虽有一个作客入球在手,但多蒙特攻力强横,相信今战两无纪录的机会唔大。不过,初盘只开出平手,当然捧有主场之利嘅
|
睇完两晚精彩嘅欧冠盃,明晨欧霸盃继续有好波睇,八强次回合轮到利物浦主场激战多蒙特。 首回合双方打成一比一平手,红军虽有一个作客入球在手,但多蒙特攻力强横,相信今战两无纪录的机会唔大。不过,初盘只开出平手,当然捧有主场之利嘅红军坐和望赢。 正如所料,对多蒙特踢法瞭如指掌嘅克洛普在首回合部署果然见效,场上形势红军并不输蚀,无论攻门或中目标射门都係不相伯仲,只输在控球比率。球队上仗联赛继续发挥神勇,以四比一大炒史笃城,对多蒙特入球功臣奥历治梅开二度,另一攻击手史杜历治亦有“士哥”,对今仗埋门肯定加强唔少信心,仲有费明奴、史卡迪尔及卢卡斯等经已复出,红军有望乘胜追击。 逼和红军后,多蒙特在德甲打吡战又被史浩克追和,要追拜仁争联赛冠军受阻。不过,“蜜蜂兵”肯定全力搏杀斗红军,联赛只踢后备嘅奥巴美扬与米希达恩肯定回归正选。两队实力属于势均力敌,主场唔使让波嘅红军可稍为睇高些小。 推介:利物浦2:1 足球评述员 Ben |