李斯特城實“修”三分

李斯特城實“修”三分

    英超進入最後直路，排榜首嘅李斯特城展開衝刺，今晚主場迎戰實力分子修咸頓，三分志在必得。以球隊今季在主場只曾一敗嘅佳績，李城值得信賴。

    修咸頓確屬一支具戰鬥力球隊，惜整體表現較為飄忽，球員水準發揮起伏不定，與李城嘅穩定性相差比較大，今仗要作客挑戰榜首，似乎信心不足。初盤李斯特城小讓平手／半球，超筍盤，必捧李城“修”成正果。

    李城近五戰取得四勝一和，雖然對手只屬中下游，但最緊要球隊能夠保持強勢，有勢就踢得特別起勁，好似射手華迪，呢期又“撻着”，在國家隊對德國與荷蘭都有“士哥”，仲有馬列斯連續兩場為球隊立下汗馬功勞，呢對“李城孖寶”越戰越勇，今場對住防守力一般嘅修咸頓，料必再有斬獲。

    修咸頓目前距離第四嘅曼城只有四分之差，依然有機會爭上前四位置，今仗亦會全力向李城搶分。球隊前線進攻火力唔差，具一定威脅力；不過，防守漏洞亦唔少，已連續近五場有失球，恐怕得不償失。

    推介：李斯特城2:1