巴塞疲兵難斬“馬”

巴塞疲兵難斬“馬”

    西甲明晨上演超級大戰，巴塞羅那與死敵皇家馬德里又再交鋒，首循環巴塞去到貝拿堡球場四蛋笑贈皇馬，亦係搞到前主帥“肥賓”被炒原因之一。皇馬現由“丹爺”揸旗，死敵對陣一定唔衰得，就算聯賽爭標機會渺茫，皇馬亦會全力一拼。

    巴塞目前有九分優勢排榜首，叫做大把本錢在手。由於下周中仲要應付歐冠大戰對馬體會，唔排除今戰會有所保留。加上美斯、尼馬、蘇亞雷斯、馬斯卓蘭奴及艾華斯等多名南美兵剛踢完世界盃，長途跋涉後又要作戰，競技狀態受到一定影響。初盤巴塞硬讓一球，誓要爭返啖氣嘅皇馬值博。

    只要今仗殺敗皇馬，巴塞無疑先剷除一個聯賽競爭對手，但下仗歐冠八強火併馬體會，對巴塞嚟講同樣極為重要。既然聯賽已領放，安歷基將火力集中戰歐冠亦不足為奇，與皇馬硬拼隨時弄巧反拙。

    皇馬同樣要踢歐冠，不過對手只係德甲中游嘅禾夫斯堡應較易應付，相信球隊亦有一定信心可殺入歐冠四強。最緊要今場國家打吡可以一雪前恥，或不再慘敗收場。

    推介：和波2:2