友赛表现信唔过

欧洲国家盃仲有七十几日就正式在法国开战，列强开始厉兵秣马。上星期的国际比赛日，几支争标热门都有亮相，可能属友赛性质，所以多支传统劲旅根本未见真章。

世界盃冠军德国在自己地头，又在两球领先下竟被英格兰反胜？难怪好多波友都问阿Ben係咪“假打”。呢个问题真係答你唔到。另一大热的西班牙赛和意大利，跟住再闷和二线嘅罗马尼亚，战果当然令“红牛”迷失望。正如阿Ben所料，寓赛于操，成班顶级球星未到埋牙又点会为国捐躯同你搏命？

有天王坐镇嘅葡萄牙仲过瘾，在主场输埋畀保加利亚，所以话呢类型嘅国际友谊赛，各位波友千祈唔好太认真。

划 如果要讲认真，就一定拣英格兰。因为英军球员一向比赛态度及场上积极性都係值得敬佩，就算国内联赛，即使低几班嘅球队，对住英超最劲嘅大球会，无论输到几球都好，都会战斗到底拼足九十分钟。英国波咁吸引就係呢个原因。讲到踢大赛嘅奸狡程度，英军又点同德国比，去到欧国盃决赛周一定有料到。

足球评述员 Ben