捧珀斯光輝作客逞威

臨近季尾揀波以戰意行先，澳職常規賽剩餘最後4輪，仲未攞到季後賽資格嘅球隊一定搏到盡，今日阿King就睇好排第5嘅珀斯光輝作客可贏尾二嘅威靈頓鳳凰（周日中午12時開賽）。另一場墨爾本勝利主場對第8位嘅紐卡素噴射機就揀大盤。

（周日下午2時開賽）

先講珀斯光輝作客鬥威靈頓鳳凰，光輝現時只係領先第7位嘅FC悉尼3分，而且佢哋最後一輪常規賽要作客FC悉尼，隨時係生死戰，對住實力較弱嘅鳳凰更冇失分空間。光輝近8場聯賽贏7場，而且近2場都冇失波，攻守兼備。鳳凰落後第6位嘅墨爾本勝利8分，數字上仲有機會爭入前6踢季後賽，不過佢哋近四場主場聯賽輸3場，狀態麻麻，要收復8分差距實在談何容易。睇番往績，光輝最近6次作客鳳凰共取得3勝2和1負，平手盤一於捧客軍。

荷甲榜首戰睇好阿積士
另一場墨爾本勝利主場對紐卡素噴射機，呢場情況同上述一場好相似，勝利仲未穩奪前6仍要搏，噴射機落後太多有心無力，不過勝利去到季尾狀態大跌Watt，上場聯賽作客布里斯班獅吼竟淨吞5蛋，主隊讓1／1.5球略嫌太多，寧選中位數3.5球嘅大盤。

最後一關揀咗荷甲榜首大戰，燕豪芬主場鬥阿積士，阿積士現時落後燕豪芬1分，今仗贏波便可取代對方嘅榜首位置。燕豪芬上周中喺歐聯16強次回合同馬德里體育會激戰120分鐘射輸12碼，士氣、體力皆受挫，今仗讓唔起客軍平半，捧阿積士下盤。

（now 670周日晚11時45分直播）