“李城”一路向“西”

英超排头位嘅李斯特城明晨继续神奇之旅，对住中下游分子西布朗，目标当然係全取三分，继续在英超领导群雄。西布朗要争上位似乎未够料，但目前亦有足够分数，暂无后顾之忧，可以踢风流波，既然比上不足比下有馀，亦无谓阻人去路，就算要做拦路虎，亦未必係士气十足嘅“李城”对手，首循环主场已经係手下败将，今场踢作客，西布朗应再一次俯首称臣。初盘李斯特城让一球，一于捧李斯特城一波未平一波又起。

李斯特城唔单只做紧“一哥”，联赛入球数字亦最多，最重要係赢盘率超过七成，属英超各队之冠。当然，落场比赛最紧要有实力，讲实际，“李城”由开季至今一直与多支豪门争持刺激，应该都可以证明一切。

由于西布朗嘅竞争力唔大，导致近期表现比较反覆，近四场作客一胜一和两负，分别输畀尾三嘅纽卡素及足总盃不敌英冠的雷丁，反映战意与争胜心实在有限，对住众志成城、雄心万丈嘅李斯特城，西布朗难逃一败。

推介：李斯特城2:0

Ben