红魔鬼耍花“枪”

今晚英超又有好戏睇，曼联与阿仙奴两支欢喜冤家又聚头。曼联目前排第五，与第四位嘅曼城只有六分之差，绝对唔会放弃争上前四的机会，加上首循环惨吞阿仙奴三蛋，今场有仇不报非“红魔鬼”。

阿仙奴落后榜首李斯特城两分，同样继续要为争标而抢分。球队近期表现较为飘忽，先在足总盃被英冠球队侯城闷和，跟住欧冠又不敌巴塞，连续两仗主场冇波赢兼冇波入，今仗作客对曼联更加唔易踢。初盘仲要让平手／半球，又凭乜嘢让得起？一于捧硬红魔鬼主场爆“厂”。

曼联近两场终于魔性大发，足总盃与欧霸盃都炒起对手，两场波共攻入八球，成队波似返个“魔”样。不过，目前伤兵依然严重，至少有八个係一线球员。但球队最紧要踢得顺，且有主场之利，绝对有机会报回首循环惨败之仇。

阿仙奴目前阵容较为完整，只有张伯伦对巴塞时受伤，今场肯定缺阵。阿仙奴接下嚟嘅比赛密度密个蜜蜂窦，由今战开始至下月十九日，平均每三日要踢一场，确受极大考验。至于首循环对曼联一战，阿仙奴优势实在唔多，只係把握较佳，今仗未必咁好彩。

推介：曼联2:1

足球评述员 Ben