蓝战士攻“城”有计

今晚英格兰足总盃有好戏码，车路士与曼城合演“双蓝”大战。

车仔要卫冕英超已无机会，欧冠与足总盃就成为最大希望。临时教头轩迪克接手时曾讲到明，将会全力争取足总盃冠军，预料今仗火併曼城精英尽出，誓要杀入八强。曼城在联赛连番受挫，先后不敌李斯特城与热刺，争标形势变得被动，球队士气受到重创。对住正重上轨道嘅蓝战士，蓝月亮今仗实在“照”唔起。初盘车路士让半球／一球，大围明显睇低曼城冇运行，一于捧车仔成功射“月”。

车仔虽然在周中欧冠盃输波，但球队整体表现确实唔差，特别在战意方面，全队充满斗心，球员亦逐渐发挥出应有水准。今仗在自己地头出战，争胜决心已够赢。

连场激战确係曼城致命伤，皆因球队大部分主力年纪渐大，上场对热刺，正选中只有史特宁一个係九○后，要应付频密大战确实不易。曼城过两日又要踢欧冠十六强作客基辅戴拿模，呢场重要战役相当难打，柏历连尼可能集中火力欧冠战线，话唔定今场避重就轻，半力出击。

推介：车路士2:0