羅馬主場唔驚“里”

羅馬主場唔驚“里”

    明晨繼續有兩埸歐冠十六強首回合上演，重頭戲係羅馬迎戰皇家馬德里。兩隊近四次交手，羅馬三勝一和不敗，往績較有優勢；不過，臨場發揮才是勝負關鍵。兩隊近況正處於勇態，論實力，皇馬可稍為睇好些少，但羅馬有主場之利，踢出加一波情況下，有力與“銀河艦隊”一拼。初盤皇家馬德里讓半球，捧羅馬殺盤有數維。

    羅馬一向在意甲都係一支較具實力球隊，陣中球星雖然不及對手皇馬咁大名氣，但都具有一定級數，如迪斯高、艾沙拉維、比真歷、尼恩哥蘭及艾馬臣等，前中後三線相當平均。球隊目前狀態十足，意甲取得四連勝，以最強士氣迎戰今場歐冠，加上今季意甲主場只得一場敗仗，羅馬確值得信賴。

    皇馬同樣以三連勝強勢出征，不過稍嫌皇馬踢作客信心不足，西甲十一場作客只得五勝四和兩負，勝率不足一半，近四戰亦只能險勝護級嘅格蘭納達，其餘三仗係兩和一負，今場對住戰鬥力更強嘅羅馬，皇馬實在難以穩勝，且首回合先保住不敗，對球隊亦有着數。

    推介：和波1:1