飛燕諾雖然係荷甲名牌球隊，不過佢哋近況相當曳，連續5場不勝，呢次主場迎戰近年鬥得難分難解嘅海倫芬，未必炒得起對手。既然今仗入球中位數升至3/3.5球，1.75倍入球細值得支持。 （now672台周五凌晨3:45直播） 海倫芬往績唔輸蝕 對上3場聯賽全敗後，飛燕諾家陣落後打多場嘅榜首阿積士12分，幾近宣布爭冠夢碎，難怪士氣跌落谷底。今仗佢哋仲有前鋒卡森李察士、守將史雲雲碧克停賽，好難旨意佢哋炒起海倫芬囉。 相反海倫芬喺上輪聯賽，連入3粒反勝威廉二世3:1，打起晒班球員信心。何況球隊近10次同飛燕諾交手，取得3勝3和4負，證明兩者差距冇想像咁大，再睇埋班波對上6次作客飛燕諾，從未試過失守多過2球，加上中場祖爾雲丹貝治刑滿復出，海倫芬呢勻有力頂住對方炮火。