曼城難以還“拖”

曼城難以還“拖”

    明晨繼續有英格蘭聯賽盃次回合上演，首回合落後一球嘅曼城返到主場再戰愛華頓，今仗非要戰勝對手不可。但“拖肥糖”的確唔易啃，除首回合輸波外，跟住聯賽主場以為有仇報，點知又被愛華頓穩守政策，由頭悶到尾悶走兩分，搞到搶返個榜首都唔得，條氣肯定唔順激到爆。但對住呢班爛仔波，冇符就冇符，初盤仲要讓一球／球半，咁易咬就唔叫“拖肥糖”囉！想贏盤，捧硬愛華頓。

    曼城對住中游實力派似乎真係冇計，上仗對韋斯咸唔輸都算好彩，落後下踢到又急又亂，今場要翻身都要先追一球。愛華頓亦會以守代攻，曼城唔改變進攻戰略，要贏兩球談何容易。

    愛華頓一係同你踢對攻，如果要防守的話，的確相當穩健。幾家大球會爭住要嘅史東斯確係真材實料，甚有大將風範；查積爾卡與拜尼斯經驗十足，打陣地戰根本未驚過曼城狂攻。

    兩隊在上場聯賽中，曼城的兩邊攻勢完全束手無策，要攻破愛華頓防線，除非改變中路突破。總之要贏兩球先有純利，又點揀得落手。

    推介：曼城1:0