紅軍難“篤”數

紅軍難“篤”數

    克洛普接手利物浦後，似乎真係唔衰得，任何一項錦標一於有殺錯冇放過，繼足總盃殺入第四圈後，明晨又向聯賽盃埋手，主場迎戰史篤城，只要和波即可殺入決賽，但由於今仗是紅軍十日內踢第四場比賽，球員體能上肯定受到一定影響，今季計埋英超要三殺史篤城睇怕並非容易。首回合主場○比一落敗，史篤城輸得心心不忿，為殺入決賽爭盃，今場誓盡地一煲，全力撲擊紅軍博翻盤。初盤利物浦讓半球／一球，捧史篤城不敗贏盤。

    紅軍近期因在聯賽、足總盃及聯賽盃三線發展，確實花費唔小體力，尤其上仗聯賽對住諾域治，險勝對手都贏得相當艱苦，明顯賽程實在踢得太過頻密，唔殘都踢到殘，加上史卡迪爾、古天奴、史杜列治及奧歷基等傷兵唔少，求和可能係利物浦目標，最緊要過埋呢關。

    史篤城今場肯定擺出鬥攻格，呢班波一向鬥心頑強，特別對住傳統強隊，今季英超曾和過阿仙奴，贏曼市雙雄及車路士，證明有一定戰鬥力，疲態盡現嘅紅軍實在難言穩勝。

    推介：和波1:1