切爾達有“體”頭

切爾達有“體”頭

    西甲聯賽經已踢咗一半，三頭馬車嘅馬體會、巴塞及皇馬依然你追我趕，爭持激烈，至於第四、五位嘅維拉利爾與切爾達同樣虎視眈眈，明晨“一哥”馬體會作客切爾達成為今輪西甲重頭戲。

    切爾達一向都咬住前四位球隊，惜近兩輪聯賽表現失準，連輸兩場已被維拉利爾拋離五分，今仗再失分的話，隨時跌出競爭行列，借助主場之利，必與馬體會一拼。

    趁住巴塞上仗被愛斯賓奴悶和，馬體會冷手執個熱煎堆升上榜首，但能否保住“一哥”之位，今場的確事關重大，雖然平均戰力比切爾達較佳，但作客巴拉杜斯球場，絕對係凶險之地，隨時有失分可能性。初盤馬德里體育會讓半球，捧切爾達“馬”到功成。

    連輸兩場聯賽後，切爾達上場終於回勇，在西班牙盃大炒對手，可提升球隊士氣，且球隊一向神經質，癲起上嚟確實唔易應付，主場曾大炒巴塞四個一皮，馬體會非要小心不可，何況馬體會近三場作客只係勝和負各一，連尾二嘅華歷簡奴都踢唔贏，今仗實在難言穩勝。

    推介：切爾達1：0