皇馬小登“科”

皇馬小登“科”

    “肥賓”只執教皇馬短短七個月，終於都要慘食無情雞，除成績差之外，又係同“老摩”一樣與球員不和，據聞更誇張到連天王球星C朗亦爆響口，“佢唔走我走”，咁搞法“肥賓”又邊有得留低。

    法國球星施丹終於坐正，代替“肥賓”上艦領航，明晨將會展開第一擊，主場迎戰實力稍遜嘅拉科魯尼亞，如無意外應該可以旗開得勝，但能否贏得轟轟烈烈，都要睇班球星發揮如何。

    拉科今季表現四平八穩，十八場聯賽只輸過三場，其餘六勝九和，更稱為和波專家，反映球隊踢法非常穩打穩紮，皇馬今場要贏得輕鬆並非容易。初盤皇家馬德里硬讓兩球半，贏波輸盤機會相當高，下盤嘅拉科值得捧場。

    新人事新作風，施丹肯定唔會好似“肥賓”一樣，將球隊陣式千變萬化，而最重要係令一眾球星能夠踢出本身水準，球隊自然更加強大。

    十八場聯賽只失十八球，拉科勝在防守夠硬淨，特別對住強隊，中後場連鎖防守做得更加緊密，連巴塞與馬體會都要在拉科身上失分，皇馬又點贏到三球？

    推介：皇家馬德里2:1