“蝙蝠軍”受讓有數“維”

“蝙蝠軍”受讓有數“維”

    西甲賽事明晨上演一場單挑，由兩支實力派分子碰頭，維拉利爾主場迎戰華倫西亞。

    雙方人腳級數可謂半斤八両，只不過，黃色潛艇有地頭之利，兼近期發揮確實比華倫西亞較佳，所以初盤開出維拉利爾要讓半球／一球。既然講到明屬於勢均力敵，黃色潛艇要讓波根本唔划算，始終未激戰完場都未知鹿死誰手，況且近三次對陣，“蝙蝠軍”兩勝一和不敗，今仗又何懼呢艘黃色潛艇？一於捧華倫西亞見“利”忘義。

    黃色潛艇近期狀態的確唔差，不但三連勝，當中更擊沉銀河戰艦，可見“潛艇”威力亦非同小可。尤其主場出擊，聯賽八個主場只輸過一場，作戰信心肯定更強。不過，有時對住強隊與對住同級波，踢法與部署有所不同，如果稍為睇低“蝙蝠軍”，隨時貪勝不知輸。以兩隊球員逐個秤，無論計個人級數抑或平均技術，華倫西亞其實有過之而無不及，尼格度、艾卡沙、皮亞迪及巴利祖等，早已打響名堂，完全唔輸蝕得過維拉利爾。問題係球隊近況表現有所回落，但要拼，根本未驚過。

    推介：和波1:1