曼城抢缰可秤仙

「铁血中场」耶耶一个扫晒

本周英超压轴戏上演深宵大战，由阿仙奴主场火併曼城。虽然兵工厂近况回勇，但佢哋欠缺铁血防中做扫荡，面对曼城悍将耶耶托尼相当输蚀，而且近6次联赛交手，曼城只曾1败，兼且有5仗录得半场胜，初段特别抢缰专做急先锋，加上王牌阿古路伤愈可候命，今仗有力全身而退，曼城让球客胜同半场胜可以兼投。

(now 621周二凌晨4时直播)

防中全受伤 阿仙奴蚀章

阿仙奴近5仗不败之馀仲赢咗4仗，包括欧联连赢萨格勒布戴拿模及奥林比亚高斯，死里逃生杀入16强，球队上下士气大振，箭头基奥特近3仗轰4粒，真係弗到冇朋友。不过阿仙奴打硬仗始终差啲，虽然今季联赛曾击败曼联，但面对热刺、车路士、利物浦等皆失分而回，总係欠缺一种王者霸气。而且阵中嘅阿迪达、辛迪卡索拉及高基连等防中全部受伤，今仗肯定倦勤，对防守体系影响极大。尤其係冇咗高基连，上季阿仙奴作客能击败曼城，呢位法国悍将于中后场大范围嘅扫荡，成为赢波关键，更令佢一战成名。依家阿仙奴只得法明尼同艾朗蓝斯可担任重任，但前者已经走下坡，蓝斯属「Box to Box」不擅防守，喺面对强敌嗰阵，阵中缺少一名铁血防中助阵相当蚀章。

反观阿仙奴嘅弱点就正係曼城嘅强项，佢哋坐拥全能战士耶耶托尼，唔单止喺防线前筑起一道牆，呢位科特迪瓦防中后上入楔亦有一手，上仗完场前就係靠佢忽然杀上远射，省中队友伊恩拿祖先至绝杀史云斯，进可攻退可守之馀，并为球队在逆境下注入永不放弃嘅争胜欲望。

阿古路候命 吼埋半场胜

另外，曼城主帅比历连尼表示，自11月尾养伤嘅王牌射手阿古路已经好番，虽然未必一定担正，但今仗至少能在后备席上候命，对于「蓝月亮」嚟讲可谓天大喜讯。翻查双方近6仗联赛交手，曼城录得2胜3和1负略佔上风，而且不败嗰5仗，全部都开出半场胜，证明曼城每逢出战阿仙奴都会佔到先机，况且阿仙奴主力阿历斯山齐士亦未知能否赶及伤愈复出，「蓝月亮」应可顶住唔输，受让必捧让球客胜，另亦不妨吼埋佢哋半场客胜。