杜塞尔多夫+1进补歇冬

又到圣诞，又到圣诞，德乙同荷乙踢埋今轮赛事歇冬，球员可以庆祝圣诞节嘞！其中德乙有场海军斗水兵，第16位嘅柏达邦主场对第15位嘅杜塞尔多夫，柏达邦球员有冇holiday mood就唔知，不过颓mood就肯定有，柏军近4战输足3场，其中上场更被大炒4蛋，杜塞尔多夫有得受让唔好错过，捧让球客胜！

（周二凌晨3时开赛）

柏达邦今季由德甲降落德乙，点知依家又有降班危机，开季头10场录得2胜1和7负劣绩，终于喺今年10月易帅，搵嚟零执教经验嘅拜仁慕尼黑名宿艾芬保执教鞭。呢位47岁前德国国脚的确有个好开始，领军头两场联赛全胜，不过好快就打回原形，最近6场联赛未赢过，对上4场更场场失两球或以上，脆弱防线成为球队致命伤。

今场对杜塞尔多夫嘅护级战，艾芬保更面对用人烦恼，中场主力施利文高坐波监，另外两名中场基斯甸碧高同胡仙洛域又因伤缺阵，前锋马希亚沙历同中场布克拿状态唔掂又被弃用。杜塞尔多夫近况冇柏达邦咁差，上场作客FSV法兰克福更赢波而回，取得今季首场客场胜仗，士气点都好啲，今场受让值得捧场。

布拉加遇费利拿旺大

荷乙方面，禾宁丹作客阿积士青年队，双方交手旺开大盘，近4次对战有3场总入球达到5球或以上，而阿积士青年队近期又防线大穿窿，近5仗有4仗至少失3球，今场入球大细中位数开到3/3.5球，照捧入球大呀！最后讲埋葡超嘅布拉加主场迎战费利拿，费利拿前锋般奴摩利拉脚风极顺，近3仗入4球，加上近3次斗布拉加均开大盘，一于再追大盘。