曼聯求“禾”格

曼聯求“禾”格

    明晨歐冠盃上演一場關鍵之戰，“粉絲”眾多嘅曼聯能否殺入淘汰賽階段，今仗作客對住德甲勁旅禾夫斯堡非勝不可，紅魔鬼和波都要睇人面色，但考慮到“狼堡”亦要穩求出線，誓必全力抗“紅”，至少要保住不敗，曼聯要贏波實在不易。

    “狼堡”剛踢完場德甲大戰，結果一比二不敵多蒙特，但好明顯部分主力輪換上陣，擺到明搏殺決戰紅魔鬼，球隊首循環作客奧脫福，被曼聯反勝的確心有不甘，全場曾有多次機會威脅紅魔鬼大門，可惜未能把握最後一腳，今仗返到自己地頭，肯定會攞返唔少優勢；由於今仗和波亦出線，球員作戰心態極為重要，踢法上可能較為保守，未必會主動搶攻，要讓波實在諗唔過。

    但講真，睇曼聯近幾場表現，似乎又冇乜贏波本錢，尤其上仗英超對住韋斯咸真係睇到眼火爆，全場只得一次射中目標，寄予厚望嗰兩“迪”：迪比與馬迪爾，又踢唔出應有水準，朗尼今仗能否上陣都未知，曼聯能夠和波亦心滿意足。初盤禾夫斯堡讓平手／半球，和波格必捧曼聯。

    推介：和波1:1