红军开大“素”

英超已经踢过三分一赛程，如果包尾嘅维拉叫做已经去到无药可救地步，咁尾二嘅纽卡素都可以话入得深切治疗部，咁搞法迟早等死。今轮联赛仲要对住如日方中嘅利物浦，“纽记”就算有主场之利，恐怕亦难逃一败。

利物浦呢期真係劲到爆，联赛两连胜，唔声唔声已上到第六位，开始重现争标希望；上场联赛盃更加大炒修咸顿六个一皮，昂首进入四强，领队克洛普果然有料到。今晚作客纽卡素乘胜追击，红军势必再度展开大厮杀。初盘利物浦让半球／一球，红军碌“卡”不成问题。

攻不鋭守不稳，“纽记”在联赛只攻入十四球，当中有七场比赛冇波入，防线脆弱不堪，近两场共失八球，亦是英超球队中失球最多一队。目前更加屋漏兼逢连夜雨，伤兵一大堆，包括泰莱、迪奥迪、奥拔顿及正选门将添古尔等主力。残阵迎战利物浦，睇怕必败无疑。

克洛普接手红军后，领军十一场取得七胜三和一负，唔到你唔服佢嘅领军能力。强势得咁交关，“纽记”未踢已经输势输阵。

推介：利物浦3:0