撑尼马夺金球

国际足联公佈了一五年度的金球奖候选人最后三强，唔使问阿贵，谂都谂到又係呢三位“大佬”——美斯、C朗及尼马。

各位波友都有自己心目中嘅金球奖得主，且大热门应该都係美斯与C朗之争。不过，小弟今次撑尼马，希望佢能够首次夺得呢个大奖。美斯与C朗当然係世界级球王，但尼马近期发挥的确值得一讚，在美斯受伤期间，尼马表现有目共睹，几乎撑起巴塞成队波，在巴西国家队亦係重要核心。可惜要攞金球奖仲包含其他因素，起码美斯与C朗经已深入民心，讲受欢迎程度，尼马肯定输蚀，夺金机会并非容易。

至于大热之选，非美斯莫属，因为去年该阿根廷球王带领巴塞成为四冠王，C朗嘅皇马就四大皆空。况且美斯又刚在西甲年度最佳颁奖礼中，力压C朗夺得最佳球员与最佳前锋。如无意外，美斯应可第五次夺得金球奖。

今届国际足联还有一个奖项，就係最佳入球。我拣罗马对巴塞欧冠一战中，费奥伦斯中场笠射成为金球。