“紅牛”劏“獅”

“紅牛”劏“獅”

明晨有多場國際友誼賽進行，揀咗場西班牙對英格蘭推介畀大家。兩國聯賽都被譽為世界上最佳，牙骹戰都已經夠睇頭。

兩隊在歐國盃小組賽同樣以首名出線，因對手實力問題根本意料之內。西班牙以“紅牛黨”威名，九勝一負都有小小缺憾美。英格蘭“三獅兵團”就夠晒巴閉，十戰全勝，簡直視對手如無物。不過，在小組賽實際上有邊隊有真正威脅力，睇下今場對住實力強橫嘅“紅牛黨”，“三獅兵團”又有冇料到。

西班牙球員在個人質素、技術、整體配合、組織性及控球能力，無疑比英格蘭較為優勝，相信各位波友都認同。齋睇西甲聯賽，巴塞、皇馬及馬體會三支爭標熱門，陣中“紅牛黨”球員都佔重要位置。

至於英超，曼市雙雄、車路士與阿仙奴四大豪門，數埋都唔知有冇五個土炮國腳踢正選。睇返上輪英超比賽名單中，計埋門將祖夏特啱啱好夠五件。英超靠世界級外援打響牌頭，英格蘭本身球員級數始終比唔起“紅牛黨”。初盤西班牙讓半球／一球，捧西班牙至少可執半個盤。

推介：西班牙3:1