加蓬蝙蝠俠反轉莫桑比克

加蓬蝙蝠俠反轉莫桑比克

蝙蝠俠勇闖莫桑比克！提到球壇蝙蝠俠，梗係第一時間醒起多蒙特射手奧巴美揚。呢位前鋒喺上輪聯賽入波後，仲特登除咗件波衫show個蝙蝠俠logo出嚟慶祝，以呢位球壇蝙蝠俠今季順到爆嘅腳風，今晚佢帶領加蓬作客莫桑比克，出戰非洲區世盃外圍賽第2圈首回合賽事，大有機會慶祝多次，一於直取2.25倍客勝。

（開賽時間：周四凌晨1:00）

奧巴美揚今季共入24球
開季至今，奧巴美揚狀態一直Fit到漏，連埋佢上仗對史浩克04嘅士哥，呢位加蓬蝙蝠俠合共射入14個德甲入球。若然統計晒各項比賽，更錄得驚人嘅24個入球，儼如士哥代名詞，有佢幫手今次加蓬真係唔使驚攻唔破對手大門咯。

至於對手莫桑比克實力未見突出，陣中只有少數球員喺歐洲搵食，質素難有保證。再睇埋班波喺上屆世盃外圍賽戰績，佢哋去到第2圈分組賽階段，竟然以6戰未得1勝下嘅情況出局，以佢哋家陣連續3場不勝、合共失5球嘅狀態睇嚟，今仗好難守得住加蓬蝙蝠俠啫。