甘美奧主主「斯」人醒  有跟開巴甲都知道甘美奧主場特佳，作客往往都要打折，點知佢哋近期作客都贏到艾華爾同埋山度士，除咗近況奇佳之外真係搵唔到其他理由去解釋呢個異像！後備殺手柏度洛查近期係咁入波，不過真正幫到甘美奧嘅功臣係前巴西國腳古利安奴，有呢位攻中喺中場派牌令到前線唔愁會冇波入，再次喺主場出擊對住可以輸俾查比高恩斯嘅華斯高，唔只要捧主勝咁單調，要埋「主主」都唔過份。（周六17，香港時間周日5:30am開賽） 至於山度士借將羅賓奴完成咗佢嘅一年借用合約就宣布離隊，立即搞到球隊接連不敵富明尼斯、甘美奧同埋戈亞斯，睇嚟佢哋仲會有排衰，即使係對住費古倫斯亦冇必贏嘅把握。（周六18，香港時間周日5:30am開賽）