華拉倫加「特」別推介  雖然華拉倫加目前喺挪超排緊頭三，但係佢哋嘅球迷一定好唔滿意，事關佢哋淨係識喺客場贏波，近5場主場賽事只係贏過1次咁大把，有份畀錢入場嘅球迷梗係唔滿意啦！好在今次華拉倫加話唔定可以威番次，一嚟佢哋得正選龍門蘭加受傷出唔到，副選嘅夏舒菲特亦要踢美洲金盃，不過其餘位置可以用到最強人腳，二嚟對手只係護級份子辛迪夫佐特，咁都唔能夠喺米飯班主面前贏波贏盤就真係抵打嘞！（周六14，香港時間周日0:00am開賽） 至於瑞超勁旅馬模近期約戰利巴域拍跳，目的就係為咗備戰嚟緊嘅歐聯外圍賽，要小心佢哋暫時會將聯賽成績擺埋一邊，即使係迎戰弱旅奧雷布洛最多都係捧「半和」就算。（周六13，香港時間周六10:00pm開賽）