车仔要“笃”数

陷于低谷嘅车路士终于在欧冠盃“止咳”。呢一场胜仗，对球队嚟讲十分重要，特别係老摩，再输嘅话唔单只工都冇得开，如果被炒确又颜面何存？不过，过到初一，捱唔捱到十五都係未知数，始终英超成绩依然未有起色。明晨作客史笃城真係要醒醒定定，若再失分，“油王”定冇面畀。

史笃城今季战绩亦唔好得好多，目前排第十四仅高车仔一位，稍不慎随时要跌落榜尾挣扎。虽然今仗佔有地利，惜今季主场失去威力，对住及时反弹嘅车仔，史笃城一样有输波危机。初盘车路士让半球，捧车仔连胜“史”命必达。

史笃城在联赛五次主场，除只能险胜升班马般尼茅夫外，其馀四场一和三负，完全无主场气势。球队目前攻击力有限，十一战只得九球进账，係英超中最差一队，今场要争胜确有困难。

欧冠盃击败基辅戴拿模，确係车仔翻身之作，无论士气与信心肯定提升。虽则今场老摩未能临场指挥，但或者令球员减少压力，表现更加神勇。

推介：车路士2:1