卡迪夫城剪布攞威

塞文區打吡 英冠雙城會
今晚英冠獨腳戲上演「塞文區打吡」（Severnside Derby），卡迪夫城主場對布里斯托城。話明係打吡大戰，雙方例牌會踢到飛沙劈石，過去7次交手全部開大，不過「卡城」一旦喺自己地頭出戰，就誓不向死敵低頭，對上8次主場對「布城」錄得7勝1和佳績，加上球隊今季主場成績又好，近6仗主場贏足5場，2.22倍主勝捧得過！

（TVB 301周二凌晨3時45分直播）

卡迪夫城對史雲斯嘅「威爾斯打吡」大家聽得多，但其實對老一輩嘅「卡城」球迷嚟講，「塞文區打吡」先係最重要嘅打吡，因為史雲斯同屬威爾斯球隊，大家「本是同根生」，不過對岸嘅布里斯托城就唔同，佢哋係「英格蘭代表」，加上兩軍以前都有龐大嘅足球流氓團體，更加深化雙方仇恨。

隨住布里斯托城今季升班，雙方終於喺英冠碰頭，打吡戰兩軍肯定施展渾身解數，不過點講都係主隊「卡城」實力較高，雖然射手馬捷達繼續養傷，但祖美臣、堅韋尼鍾斯一樣夠殺，球隊近6主場贏咗5場，包括上仗擊敗升班熱門米杜士堡，「布城」今勻作客仲唔係送羊入虎口咩！

火車頭撞散羅斯托夫
另一場俄超賽事，莫斯科火車頭主場對羅斯托夫，火車頭主場表現醒神，近5主場贏4仗，對住近4作客輸咗3場嘅羅斯托夫，主勝值博！（有線64及203台周二凌晨零時30分直播）最後講埋西甲畢爾包主場對希杭，希杭近4作客僅錄一負，加上對賽往績亦非太差，近4次作客畢爾包有3次保持不敗，受讓一球下盤可取。

（now 632周二凌晨3時30分直播）