曼市打吡紅勝藍

曼市打吡紅勝藍

英超今晚上演超級榜首大戰，曼市雙雄展開埋身肉搏戰，排第三位嘅曼聯只要能夠殺敗曼城，就有機會重登“一哥”之位，眾“魔星”定必施展渾身解數，誓要攻破“城”池。至於曼城為要保住“龍頭”位置，當然唔會束手就擒，但踢作客始終較為輸蝕，上季去到奧脫福亦被曼聯技術性擊倒，今仗對住實力比上季更強嘅紅魔，曼城實在不宜追捧，何況初盤開出只係平手，唔捧有地頭之利嘅曼聯一定蝕章。

連埋歐冠盃，曼聯七個主場保持不敗兼贏足六場，奧脫福威力十足。為應付今場大戰，雲戈爾在周中歐冠盃打“車輪戰”，馬達、迪比及白蘭特等主力輪換上陣，擺到明留力激戰曼城，爭勝心已值得捧場。曼城今場最大隱憂係大衛施華、阿古路及拿斯尼三大主力有傷在身，能否上陣都成問題，雖然仍有史達寧與邦尼作為攻擊手，但踢關鍵大戰，兩位仁兄表現實在起伏太大；對西維爾一戰，曼城前線銳利度明顯不足，中前場只靠杜尼與迪布尼的話，未必夠曼聯搶得中場優勢，亦可能成為勝負關鍵。

推介：曼聯2：1