鹿角飛腳唔齊人大好過Ｗ

日聯盃4強首回合分途作客
今日嗰兩場日聯盃4強首回合大戰，千祈咪齋睇近況、往績揀波，事關飛腳、鹿角都有主將抽調咗去踢太公波，唔係最強陣應戰，好似神戶勝利船對鹿島鹿角咁，博1.72倍入球大穩陣過客Ｗ。（有線64、203周三晚6:00直播）

日聯盃只係隻盃仔，好多球隊都當雞肋咁去應酬，但係去到4強階段，話晒都係一項錦標，冇理由有盃都唔爭■，所以實力分子飛腳、鹿角都被視為入決賽嘅熱門，不過睇番呢兩場波嘅賠率，就完全唔係嗰回事，特別係神戶對鹿角個場。

愈贏愈好分 足智彩睇淡
4日前，鹿角喺日聯作客2:0贏咗神戶，當時鹿角客勝係1.85倍、和3.65倍、神戶主勝3.25倍。鹿角剛啱贏過，按道理再次作客，賠率只會更熱，點知今場佢哋個客勝有2倍咁好分，你話佢哋可以再開多次Ｗ，真係冇人敢信。點解往績贏晒嘅鹿角（9勝3和4負），可以仲冷過上場聯賽呢？主要原因之一係中場核心柴崎岳，跟咗日本國家隊去踢世盃外圍賽，少咗佢響中場發辦始終差啲。其次係鹿角今場只要唔輸或者小負，都有權喺次回合憑主場之利追番，所以升水真係唔奇。連足智彩都唔敢睇好佢哋兩連勝，我哋冇必要拗頸，就咁博個入球大好嘞，因為兩隊過去5次喺日聯盃、日皇盃交手，開咗3大2細，細嗰兩場都有2球交收。

新潟天鵝對大阪飛腳嗰場亦一樣（有線61、201周三晚6:00直播），飛腳仲慘過鹿角，有龍門東口順昭、後衞丹羽大輝、米倉恒貴、前鋒宇佐美貴史畀日本男足徵用，差唔多等於讓半臂，問題係新潟响聯賽嘅總分得30分排尾4，護級壓力好大，未必夠膽貪盃，今場主客和任佢開，不如玩入球大碰吓運氣算嘞。