紅牛大“斯”殺

紅牛大“斯”殺

歐洲國家盃外圍賽繼荷蘭與德國先後登埸後，明晨輪到另一勁旅西班牙，對手係C組排榜首嘅斯洛伐克。首循環贏勢輸波嘅“紅牛”，誓必上演復仇記。

斯洛伐克到底有乜料，可以在C組六戰全勝，兼壓倒兩連霸歐洲冠軍排“一哥”位置呢？其實真有料又好，笑料都好，總之上次生劏“紅牛”，係鐵一般事實。今次兩隊再度相逢，斯洛伐克仲有冇咁好彩，再喺“紅牛”身上攞到着數，睇怕都超難。記仇記到冇親戚嘅“紅牛”今場定必大開殺戒，將對手碎“斯”萬段，實行大報復。初盤西班牙讓球半，贏波贏盤唔難。

隨着沙維退出國家隊，巴塞年代嘅中場線踢法亦有所改變。話雖如此，大衛施華、費比加斯及卡索拉等依然創造力與侵略性十足，柏度與艾卡沙等攻擊手亦開始成熟，“紅牛”係時候發威。

斯洛伐克計埋友誼賽已經九連勝，睇戰績真係勁到得人驚，球隊確有唔少球星在歐洲大球會搵食，實力絕對不能低估。不過今場對手實在太強，是龍是蟲好快就知。

推介：西班牙3:0