哥連泰斯劫富保榜首

今日主要係日聯盃同巴甲賽事，阿King就集中同大家講吓巴甲，依家巴甲踢咗超過一半比賽，爭標形勢愈嚟愈緊湊，趁住明尼路表現有些少跌Watt，哥連泰斯乘機後來居上，現以4分領先明尼路坐正做「一哥」。聽朝哥連泰斯主場迎戰富明尼斯，哥連泰斯為咗聯賽冠軍，選擇放棄巴西盃，可見佢哋爭冠嘅決心，今場主勝同入球大都值得捧場。

（周四早上9時開賽）

哥連泰斯喺巴甲豪取4連勝，「爆seed」衝上榜首位置，4場都開出大盤，火力有保證，但魚與熊掌不可兼得，為咗重奪失落3年嘅聯賽冠軍，哥軍喺巴西盃16強兩回合均派出部分副選上陣，留力聯賽，最終不敵山度士出局，但就換嚟聯賽拋離明尼路4分。依家哥連泰斯開行turbo搶分，務求將分差愈拉愈遠，今場面對作客例牌腳軟嘅富明尼斯，唔係唔贏呀？富軍近4場巴甲作客全敗，其中兩場對手仲要係祖恩維爾同艾華爾兩支下游球隊，曳成咁，今場主勝真係不容錯過！

明尼路主場恰慣帕拉
講完「一哥」，就再講「二哥」明尼路，今輪主場對帕拉尼恩斯，雖然帕軍近4次對明尼路贏咗3次，但3次都係主場出戰，不足作準。明尼路近6次主場對帕軍，贏咗5場，差唔多場場都贏兩球或以上，今場博一博讓球主勝喇！最後就講埋戈亞斯主場對彭美拉斯一戰，彭美拉斯呢排入得又失得，近7場全開大，加上仲要報番上季作客遭戈亞斯大炒6比0之仇，戰意鮮明，再追大盤！