世界盃2026：神奇球隊實力唔嘢小 佛得角第一隊入球值博_星島日報

世盃H組第3輪決定性一戰，「神奇球隊」佛得角大戰沙特阿拉伯。首度出戰世盃嘅佛得角，今屆表現贏盡球迷歡心，先後打和西班牙同烏拉圭兩支前世盃冠軍，而且防守同進攻都踢出高水準，佢哋今場贏波就肯定出線，對住同級球隊沙特阿拉伯肯定搶攻，「主隊第一隊入球」值得一博！

（Now 619、617及馬會指定場外投注處周六早上8時直播）文:工廠仔

佛得角係世盃史上人口最少參賽國家，不過表現完全唔似「新丁」，一眾國腳鬥志高昂，首仗死守悶和西班牙，顯示出防守硬淨，上場2比2和烏拉圭就展現進攻威力，呢支非洲小國落到場毫無懼色，每次拎到波都會谷上去爭取入波，除咗對西班牙因為技不如人「焗守」之外，近4場賽事有3場都係先入波一隊。今場對手沙特阿拉伯實力唔見得好過佛得角，而且佛得角今場只要贏波就有5分，肯定可以出線32強，呢支童話球隊好大機會繼續採取主動，爭取先拔頭籌。

沙特阿拉伯搶攻仲易出事
沙特阿拉伯踢完2輪只得1分，上場面對西班牙慘吞4蛋，踢唔夠半過鐘頭已經被轟3球，防守漏洞表露無遺，佢哋依家仍然有機會出線，但今場非勝不可，可能要放棄最擅長嘅穩守突擊，要主動進攻，對住反擊效率高嘅佛得角，形勢上較為輸蝕，博信心爆棚嘅佛得角先開紀錄係最佳選擇。