特雷斯登和局「尼」料 中游球隊每每去到季尾都會走樣，原因並非係佢哋刻意讓路，好有可能係同球員提早收咧嘅心態有關！好似1860慕尼黑宣布提早上岸之後，喺2月打後只係贏過兩場咁大把，似乎唔少球員都諗緊暑假去邊度渡假！可惜主隊特雷斯登想贏都有一定難度，始終喺歇冬之後直程未贏過，唔係佢哋唔想贏，而係佢哋嘅實力屬「有限公司」，兩邊冇咩把握贏波，和波似乎係最好選擇。（周一4，香港時間周二2:15am開賽） 較早時間荷乙兩支青年隊嚟個對碰，作客嘅燕豪芬青年隊連續6場波失13球波，平均每場失2球以上，咁嘅防守力作客川迪青年隊唔好話贏，要保住不敗都冇咩可能，讓到平手、半球撐硬主隊。（周一3，香港時間周二2:00am開賽）