迪安主場「斯」展魔法 本身迪安喺季中真係好有機會殺上前列爭升班，點知嚟到近期唔係和波就係輸波，搞到依家已經跌到落中游位置，不過佢哋仲有些少機會追到前列，照計唔會咁快放棄！撞正榜首梅斯今晚未能夠出到最強陣容，無論係泰拔保基奧斯、盧斯安奴泰斯拿，仲有法華古爾等人都落唔到場，呢場睇落梅斯有些少優勢嘅比賽其實暗藏殺機，一於博迪安盡埋最後努力喺主場贏埋榜首。（周一5，香港時間周二2:30am開賽） 嚟到葡超艾斯杜尼亦都爭緊歐霸席位，始終佢哋近期喺主場4戰贏過3場，所擊敗嘅對手包括布拉加同馬里迪莫，遇到降班份子費利拿梗係要睇高一線，呢場波唔只贏一球咁少，讓主唔好錯過。（周一8，香港時間周二3:00am開賽）