捧切爾達“畢”敗

捧切爾達“畢”敗

今晚只有一場西甲較有睇頭，由切爾達對畢爾包，兩隊各有所求。切爾達雖然排第十一位，但積分與降班線球隊只有五分之差，基本上仲未上岸，所以仍需努力搶分。今季連埋西班牙盃曾經三度與畢爾包交手，戰績一勝兩負，盃賽在主場力挫對手，證明今仗亦有一定能力搶分。

畢爾包目前多維拉利爾三分，仍可守住前四位置，但三分的差距當然唔穩陣，為可以踢下季歐冠的“錢”途着想，就要與切爾達一樣，“分分”需要你。既然大家各不相讓，呢場“隻揪”未必可分出勝負。初盤畢爾包讓平手／半球，主場受讓嘅切爾達值博。

其實切爾達在聯賽首循環作客輸畀畢爾包，只係以二比三一球落敗，場上形勢並非輸蝕，可以講係互有攻守，大家咬住咬住，正式嚟講輸作客心理。今仗返到主場應有更佳發揮，睇好切爾達坐和望贏。

畢爾包近七場作客認真麻麻，只贏過一場咁大把，其餘五場輸咗四場，當中包括西班牙盃不敵今仗對手切爾達。畢爾包毫無必勝把握，又何來讓得起對手。

推介：切爾達1:0