曼聯怒火焚“城”

曼聯怒火焚“城”

連番受到挫折嘅曼聯終於出手了，兩億英鎊實行展開換血大行動，馬年未至，馬達先來，以破球會轉會費最高紀錄簽入西班牙“發電機”，再以高薪挽留朗尼，跟住目標傳聞有卡雲尼、卻奧斯、迪亞高哥斯達、高基、馬高雷斯及文加拉等，都係炙手可熱貴價球星，成唔成事暫時未知，但“莫帥”擺到明決心誓要重振紅魔王朝。不過，小弟認為“莫帥”當務之急，應該關注於聯賽打穩基礎，意思係前四歐冠席位，目前與榜首阿仙奴相差十幾分，仲有曼城與車仔兩大勁敵，曼聯要衛冕聯賽錦標實在機會唔大，但與第四位嘅利物浦只有六分之差，紅魔要搶返個前四，就要積極加把勁；否則，踢唔到下季嘅歐冠盃，換乜嘢血都係冇癮。

講返曼聯今晚場英超，對手係包尾嘅卡迪夫城，如果呢三分都攞唔到的話，我諗“莫帥”真係唔知仲有乜嘢可講，非勝不可之外，馬達成為焦點，以目前比賽狀態，及喺英超已經踢咗一段時間，正選上陣應該問題不大，只係球員默契配合，但相信對曼聯起到一定作用。至於卡迪夫城，排得榜尾，有幾多戰鬥力唔需多介紹，初盤曼聯讓球半，滿肚怨氣嘅曼聯係時候大勝。

推介：曼聯3:0