今晚“蘇”Win

今晚“蘇”Win

今晚只得一場西甲有睇頭，由皇家蘇斯達對艾爾切。雙方各有所求，排第六嘅蘇斯達目標爭上前四，艾爾切需要搶分護級，所以兩隊各不相讓。

以一支中型班嚟講，蘇斯達今季表現總算可圈可點，又要兼顧歐冠盃，雙線出戰依然企喺聯賽前列位置，都算交足功課。球隊在主場發揮特别醒神，六勝兩和一負，只輸畀強勢嘅馬體會，主場出擊確有一定保證。

升班馬艾爾切上仗在搶分大戰擊敗尾二華歴簡奴，可以暫時紓緩護級壓力，但始終一日未上岸，場場波都要積極求分。但以球隊班底，要在蘇斯達身上搶分確有一定難度。初盤皇家蘇斯達讓一球，預料蘇斯達可以贏波贏盤。

歐冠盃出局後，蘇斯達可以專心在聯賽發揮，近三戰取得兩勝一和，狀態相當不俗。前線有卡路士韋拿、基斯文及阿基列斯組成攻擊鐵三角，火力唔差，今仗對手實力一般，只要踢出應有水準，贏波絕對不成問題。

艾爾切上場雖然全取三分，但之前七場比賽只得兩和五負，證明本身實力只能在下游掙扎，加上作客戰力有限，今戰難有驚喜。

推介：皇家蘇斯達2:0