曼城碎“斯”冇甩拖

曼城碎“斯”冇甩拖

今晚繼續有英格蘭聯賽盃四強首回合比賽，曼城對韋斯咸。睇一睇曼城今季主場戰績，簡直恐怖到連外星人都驚，戰無不勝兼入球量驚人，倫敦兩大門派阿仙奴與熱刺到訪，被打到豬頭喇叭嘴，真係輸到阿媽都唔認得。韋斯咸區區一支倫敦“小嘍囉”球會，嚟到呢個球場，恐怕大禍臨頭。

韋斯咸目前在聯賽水深火熱，下季能否留低在英超都成問題，總之捱得一場得一場，打完呢個盃賽先算。講人腳實力，韋斯咸與曼城相比至少差兩班，加上近五戰一和四負超差成績，今仗實在難有驚喜。初盤曼城讓兩球／兩球半，以藍月亮強大火力，對住弱不禁風嘅韋斯咸防線，要數三球，曼城做得到。

柏歷連尼初到英超，當然任何錦標都唔會放過。上仗足總盃被布力般逼和，表現的確麻麻。但今仗先踢主場，避免夜長夢多，必定早早解決對手，預料將會大開殺戒。韋斯咸喺足總盃五球慘敗在英冠球隊森林腳下，近三場作客全輸兼失十球，呢條防線同紙紮冇乜分别，唯一希望只得一個，輸少當贏。

推介：曼城3:0