紅魔遇“刺”

紅魔遇“刺”

今日係一四年嘅第一日，喺呢度祝願大家新的一年有新景象，事事如意，最緊要身體健康。

英超今晚開始進入次循環比賽，重頭戲係曼聯火併熱刺，兩隊目前同積卅四分，並列聯賽榜第六及第七位。雖然只差榜首嘅阿仙奴八分，話多唔多，話少唔少，但如果今仗再有閃失，極可能失去爭標機會。所以今仗唔係你死、就係我亡。

首循環雙方合演一場精彩之戰，激鬥之下打成二比二平手，證明彼此實力相差無幾。曼聯今次佔有主場之利，讓波應該，但讓唔讓得起又是另一回事，何況初盤要讓半球／一球，揀回勇嘅熱刺可以逃出“魔”掌。

上月初連續兩個主場輸波後，紅魔備受壓力。幸好，一班“魔星”見慣大場面，近六戰取得全勝，“魔”勢再度重現。但講真一句，近兩場擊敗侯城與諾域治就完全欠缺說服力，只係逆境中贏波。如此一般表現，今晚對住熱刺未必可以佔得優勢。

熱刺由舒活坐正之後，艾迪拜約得到重生，拍住蘇達度打雙箭頭果然奏效，近三場聯賽攻入七球，攻擊力明顯大增。“艾蘇”合璧，絕對有力威脅紅魔不穩防線。

推介：和波2:2