緬恩斯跌watt 難讓達斯泰特

緬恩斯跌watt 難讓達斯泰特

德甲升班球隊唔可以睇小！今季德甲兩支新升班嘅恩高斯達特、達斯泰特戰鬥力十足，其中達斯泰特面對國內傳統勁旅亦冇有怕，分照搶。今晚佢哋主場迎戰近況轉沉嘅緬恩斯，竟然有得受讓平半咁筍，1.77倍下盤咪走寶咯。

（now670台、有線61、201周六凌晨2:30直播）

達斯泰特今季升上德甲後，聯賽7戰僅輸1場，單係呢點就已經叻過唔少球隊。更何況佢哋今季喺聯賽唯一輸嗰場波嘅對手，正正就係超晒班嘅拜仁，攞唔到分真係冇話可說。但計埋呢場波在內，佢哋近4戰先後砌低利華古遜、雲達不來梅，上仗仲成功逼和多蒙特，成績堅唔失禮囉！

達斯泰達簽守將強化防線
仲有呀，佢哋呢排頻頻成功搶分，士氣勁高昂，進攻中場馬素希拿亦重拾射門鞋。佢哋今仗對手只係屬於中游貨色嘅緬恩斯，搶到1分唔奇。

況且達斯泰特早前宣布簽入自由身拉積高域，呢位曾効力川迪、漢堡嘅守將經驗豐富，有佢坐鎮統領防線，緬恩斯鋒線邊搵到食先？

緬恩斯近4戰輸3場
至於對手緬恩斯呢排愈踢愈沉，近4場比賽輸足3場，對上2仗連鬥利華古遜、拜仁輸波不特止，仲衰到要連蛋都破唔到，士氣認真麻麻。加上一對進攻主力武藤嘉紀、中場尤路斯馬爾尼狀態跌watt，咁嘅情況想贏波都難！