切爾達繼續“加”分

切爾達繼續“加”分

    西甲今季又出現一支神經刀球隊，叫做切爾達，上仗主場打到“地上最強”嘅巴塞羅那顏面無存，四比一紀錄簡直令巴塞球迷大跌眼鏡。六場聯賽不單止未輸過，仲攻入十五球，入球數字仲勁過皇馬與巴塞。明晨又在主場出擊，對住三場作客全輸嘅加泰，切爾達勝算十足。

    加泰今季人腳變動實在太大，由於需要時間磨合，導致球隊作戰能力下降，踢作客更加勢單力弱，要在切爾達身上搶一份，恐怕難以成事。初盤切爾達讓一球，贏波就可以升上榜首過吓“一哥”癮，切爾達又點會錯失良機，一於捧切爾達做大贏“加”。

    講名氣，切爾達陣中球員只屬於二、三線，打過大會球員唔多，踢過利物浦與西維爾嘅艾斯柏斯、效力過賓菲加嘅洛尼圖已算係薄有名氣。就是以這樣實而不華的班底，目前未嘗一敗，擺明踢氣勢。對住作客唔識踢嘅加泰，切爾達料可穩勝。

    加泰球員名單同樣名不經傳，今季仲放走艾斯古迪路、卡斯度及哥甸拿三位踢得之人，實力比上季更為削弱，應該屬於護級一族。

    推介：切爾達3:0