聖徒驅“魔”

聖徒驅“魔”

修咸頓在上季聯賽排名第七，緊隨於六支英超傳統勁旅之後，戰績已令球迷相當滿意。由於要參與歐戰比賽，開季成績受到一定影響，頭三場聯賽未嘗一勝。但自歐霸盃出局後，球隊可以專注聯賽，近兩戰亦取得一勝一和，明顯開始上力。今晚主場迎戰曼聯，定必全力伏妖除魔。

曼聯近三戰一勝兩負，兩場輸波都係踢作客，證明加強實力後嘅曼聯依然穩定性不足，即使今仗對住實力較弱嘅修咸頓，相信亦難以穩操勝券。初盤曼聯讓平手／半球，不妨捧修咸頓坐和望贏，至少可執半個盤。

修咸頓今季加入唔少具質素球員，特別係荷蘭元素，包括卡斯爾、雲迪克、馬天拿及門將史迪基蘭堡，羅美奧、祖安美與施迪蘇亞雷斯同樣有一定份量，球隊替補力加強。加上泰迪與派利兩名攻擊手狀態“弗”爆，足以對抗紅魔。

曼聯再度簽入有新亨利之稱嘅馬迪爾，前線火力繼續提升。不過，無可否認攻強守弱係曼聯最大致命傷，近三場失五球，雲戈爾必需關注防守問題。

推介：修咸頓2:1